.:: İstanbul Kadı Sicilleri ::.


İstanbul Mahkemesi 10 Numaralı Sicil (H. 1072-1073 / M. 1661-1663)
cilt: 51, sayfa: 690
Hüküm no: 822
Orijinal metin no: [104a-4]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Emine bt. Hacı Ebubekir’in muhâlaa yoluyla kocası Ali Beşe b. Abdurrahman’dan boşandığı

Hul‘.

Mahmiye-i İstanbul’da Ali Paşa-yı Atîk mahallesinde sâkine Emine bt. el-Hâc Ebûbekir nâm hatun meclis-i şer‘de zevci işbu râfi‘u’l-kitâb Ali Beşe b. Abdurrahman mahzarında ikrâr ve takrîr-i kelâm edip zevcim merkūm Ali Beşe zimmetinde mütekarrir ve ma‘kūdün-aleyh olan sekiz yüz akçe mehr-i mü’eccelim ve nafaka-i iddet-i ma‘lûmem ve me’ûnet-i süknâm dahi kendi üzerime olmak üzere mezbûr Ali Beşe ile muhâla‘a-i sahîha-i şer‘iye ile muhâla‘a eyledikden sonra ol dahi hul‘-ı mezbûru kabûl ve zevciyete ve gayra müte‘allika da‘vâdan her birimiz âharın zimmetini ibrâ-i âm ile ibrâ ve ıskāt eyledik dedikde gıbbe’t-tasdîk mâ-vaka‘a bi’t-taleb ketb olundu.

Fi’s-sâdis aşer min-Zilka‘deti’ş-şerîfe li-sene isneteyn ve seb‘în ve elf.

Şuhûdü’l-hâl: Ahmed Beşe b. Abdullah, Mustafa b. Abdullah, Mustafa b. Ahmed, Mehmed b. Ramazan, Veli b. Mahmud, Hızır b. Abdullah.