İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 691 Hüküm no: 824 Orijinal metin no: [104b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yanaki v. Dimo’nun Hacı İskender b. Hasan’a dört bin akçe borcunu 180 gün içinde ödemeye söz verdiği İsti‘câl. Mahrûse-i Galata’da Sultan Bâyezid mahallesinde sâkin Yanaki v. Dimo nâm zimmî meclis-i şer‘de işbu bâ‘isü’r-rakīm el-Hâc İskender b. Hasan mahzarında ikrâr ve i‘tirâf edip mezbûr el-Hâc İskender’e deyn-i şer‘îden ba‘de küllî hesâb dört bin akçe deynim olup meblağ-ı mezbûru hâlâ edâya iktidârım olmayup isti‘câl eylediğimde mezbûr el-Hâc İskender târih-i kitâbdan yüz seksen gün tamamına değin meblağ-ı mezbûru tecîl edip ben dahi ecel-i mezbûru kabûl ve deyn-i mezbûru edâya ta‘ahhüd eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’s-sâbi‘ min-Zilka‘deti’ş-şerîfe li-sene isneteyn ve seb‘în ve elf. Şuhûdü’l-hâl: Şükrullah b. Mustafa, Rasûl b. Rıdvan, Abdi b. Hüseyin, Mehmed b. Ramazan.