İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 691 Hüküm no: 825 Orijinal metin no: [104b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Hüseyin’in muhâlaa yoluyla kocası Osman b. Hüseyin’den boşandığı Hul‘. Mahmiye-i İstanbul’da Karabaş mahallesinde sâkine Âişe bt. Hüseyin nâm hatun meclis-i şer‘de işbu bâ‘isü’l-kitâb Osman b. Hüseyin nâm kimesne mahzarında ikrâr ve takrîr-i kelâm edip zevcim mezbûr Hasan [Osman] zimmetinde mütekarrir ve ma‘kūdün-aleyh olan iki bin akçe akçe mehr-i mü’eccelim üzerine ve nafaka-i iddet-i ma‘lûmem ve me’ûnet-i süknâm dahi kendi üzerime olmak üzere mezbûr muhâla‘a-i sahîha-i şer‘iye ile muhâla‘a edip ol dahi hul‘-ı mezbûru kabûl ve eyledikde sonra zevciyete müte‘allika da‘vâdan her birimiz âharın zimmetini ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’s-sâbi‘ aşer min-Zilka‘deti’ş-şerîfe li-sene isneteyn ve seb‘în ve elf. Şuhûdü’l-hâl: Mustafa Çelebi b. Şaban, Mustafa b. Mahmud, Mehmed Çelebi b. Mehmed, Ali Çelebi muhzır, Şaban Beşe sarrâc, Ahmed b. Abdullah, Mehmed b. Ramazan.