İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 701 Hüküm no: 837 Orijinal metin no: [106a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yoğurtçu Toma v. Nikola’nın Hamza Bey b. Abdullah’a borcu olmadığına dair yemin ettiği Yemîn. Mahmiye-i İstanbul’da Yenikapı kurbünde Bâyezid Ağa mahallesi sâkinlerinden Hamza Bey b. Abdullah meclis-i şer‘de yoğurtçu tâifesinden işbu râfi‘u’s-sifr Toma v. Nikola nâm zimmî muvâcehesinde üzerine da‘vâ ve takrîr-i kelâm edip mezbûr Toma zimmetinde cihet-i karz-ı şer‘îden bin akçe hakkım vardır hâlâ taleb ederim suâl olunsun dedikde gıbbe’s-suâl ve akībe’l-inkâr müdde‘î-i mezbûrdan müdde‘âsını mübeyyine beyyine taleb olundukda ikāmet-i beyyineden izhâr-ı acz edip istihlâf etmeğin mezkûr Toma’ya müdde‘î-i mezbûr Hamza Bey’e cihet-i merkūmeden zimmetinde bin akçe üzerine reddi lâzım deyni olmadığına yemîn teklîf olundukda ol dahi yemîn billâhillezî enzele’l-İncile alâ-İsa aleyhisselâm etmeğin mezbûr Hamza Bey bilâ-beyyine mu‘ârazadan men‘ olunup mâ-vaka‘a bi’t-taleb ketb olundu. Fi’l-yevmi’l-hâmis aşer min-Zilka‘deti’ş-şerîfe li-sene isneteyn ve seb‘în ve elf. Şuhûdü’l-hâl: Mehmed Çelebi b. ( ), Keşfî Mustafa Efendi, Abdi Çelebi b. Hüseyin, Baba Rasûl b. Rıdvan, Mehmed b. Ramazan.