İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 704 Hüküm no: 842 Orijinal metin no: [106b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice bt. Yusuf’un Tatar Dilsiz Ağa’nın karısı Hatice Hatun’a yüz on guruş borcu olduğunu ikrar ettiği İkrâr-ı deyn. Mahrûse-i Galata muzâfâtından İstinye nâhiyesine tâbi‘ Büyükdere nâm karyede sâkine Hadîce bt. Yusuf nâm hatun meclis-i şer‘de işbu râfi‘atü’l-kitâb Tatar Dilsiz Ağa zevcesi Hadîce Hatun tarafından ikrâr-ı âti’z-zikri tasdîka vekîl olup mezbûrenin zâtını ma‘rifet-i şer‘iye ile ârifân Mehmed b. Mahmud ve Ali b. Mustafa şehâdetleri ile şer‘an vekâleti sâbite olan Meryem bt. Abdullah mahzarında ikrâr ve takrîr-i kelâm edip müvekkile-i mezbûre Hadîce yedinden bundan akdem kendi için bir câriye iştirâ edivermek için yüz on kıt‘a esedî guruş alıp kabz eylediğimden sonra meblağ-ı mezbûr [yüz] on esedî guruş kendi mesârıfıma sarf ile istihlâk eylediğim ecilden meblağ-ı mezbûr yüz on esedî guruş zimmetimde müvekkile-i mezbûre Hadîce Hatun’a edâsı lâzım ve kazâsı vâcib deynimdir dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sâmin aşer min-Zilka‘deti’ş-şerîfe li-sene isneteyn ve seb‘în ve elf. Şuhûdü’l-hâl: es-Sâbıkūn.