İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 731 Hüküm no: 880 Orijinal metin no: [112a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Bayram’ın, ölen oğlu Halil’in Mehmed Ağa ve Mustafa Ağa’da olan alacağını tahsil ettiği Vilâyet-i Anadolu’da Geyve kazâsına tâbi‘ Elbirek? nâm karyede sâkin iken bundan akdem vefât eden Halil’in babası ve hasran vârisi Mustafa b. Bayram meclis-i şer‘de kendi tarafından asîl ve li-ebeveyn karındaşı Mehmed Ağa tarafından ikrâr-ı âti’z-zikre sâbitü’l-vekâle vekîli olan bâ‘isü’l-kitâb Mustafa Ağa b. Ali Çavuş mahzarında bi-tav‘ihiikrâr ve takrîr-i kelâm edip oğlum müteveffâ-yı mezbûr Halil târih-i kitâbdan on beş ay mukaddem hâl-i hayatında merkūmân Mehmed Ağa ve Mustafa Ağa’nın iştirâken nefs-i Akhisar ve gayrıdan mutasarrıf oldukları ze‘âmetlerinin bin yetmiş bir senesinin mahsûlâtını otuz beş bin akçeye iltizâm edip meblağ-ı mezbûrun sekiz bin akçesini merkūmâna peşîn def‘ ü teslîm onlar dahi tesellüm ve kabûl eylediklerinden sonra zikrolunan tımarlara müdâhale etmedin oğlum mezbûr Halil fevt olmağla meblağ-ı mezbûr sekiz bin akçeyi merkūmândan bundan akdem da‘vâ ve taleb etmiş idim el-hâletü hâzihî meblağ-ı mezbûru merkūmân yedlerinden bi’t-tamam ve’l-kemâl ahz u kabz eyledim ba‘de’l-yevm zikrolunan husûsa müte‘allika mezbûrân ile da‘vâ ve nizâ‘ım kalmadı dedikde gıbbe’t-tasdîk mâ hüve’l-vâki‘ bi’t-taleb ketb olundu. Fi’l-yevmi’l-hâdî aşer min-Zilka‘deti’ş-şerîfe li-sene isneteyn ve seb‘în ve elf. Şuhûdü’l-hâl: Mehmed Bey b. İlyas el-cündî, Ömer Bey b. Murtaza el-cündî, Hasan Bey el-müteferrika, Zülfikar Çavuş b. Abdullah, Mehmed Halîfe b. Osman, Üstâd Yunus b. Abdullah, Yusuf Bey es-sarrâc.