İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 751 Hüküm no: 910 Orijinal metin no: [117a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine bt. Abdullah’ın alacak hususunda oğlu Mehmed Beşe b. Mustafa’nın zimmetini ibra ettiği İbrâ. Mahmiye-i İstanbul’da Hoca Hayreddin mahallesinde sâkine Emine bt. Abdullah nâm hatun meclis-i şer‘-i hatîr-i lâzımü’t-tevkīrde sadrî kebîr oğlu işbu sahibü’l-kitâb Mehmed Beşe b. Mustafa mahzarında bi-tav‘ihâ ikrâr ve takrîr-i kelâm edip oğlum Mehmed Beşe zimmetinde karz-ı şer‘îden on beş bin akçe hakkım olup meblağ-ı mezbûrun altı bin beş yüz akçesini mukaddemâ bana def‘ ü teslîm ben dahi yedinden ahz u kabz etmiş idim hâlâ meblağ-ı bâkī sekiz bin beş yüz akçeyi dahi yedinden ahz u kabz eyledim meblağ-ı merkūm on beş bin akçeden mezkûr Mehmed Beşe zimmetinde bâkī bir akçe ve bir habbe hakkım kalmadı dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’t-tâsi‘ ve’l-işrîn min-Zilka‘deti’ş-şerîfe li-sene isneteyn ve seb‘în ve elf. Şuhûdü’l-hâl: Abdi Çelebi b. Hüseyin, Şükrullah b. Mustafa, Ahmed b. Abdülcabbar, Mehmed b. Ramazan.