İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 756 Hüküm no: 918 Orijinal metin no: [118b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alaybeyi Abdülvehhab Bey b. Ali’nin İbrahim Bey b. Hasan’a 55.000 akçe borcu olduğunu ikrar ettiği İkrâr-ı deyn. Vilâyet-i Rumeli’nde İstrava (İsterde) kazâsından olup sâbıkā Selanik alaybeyisi olan Abdülvehhab Bey b. Ali meclis-i şer‘-i hatîrde işbu râfi‘u’l-kitâb fahrü’l-akrân İbrahim Bey b. Hasan nâm cündî mahzarında ikrâr ve takrîr-i kelâm edip târih-i kitâbdan yüz elli gün tamamına değin mü’eccel ve mev‘ûd cihet-i şer‘iyeden mezbûr İbrahim Bey’e zimmetinde lâzımü’l-edâ ve vâcibü’l-kazâ elli beş bin akçe deynim vardır dedikde mukırr-ı mezbûrun minvâl-i muharrer üzere cârî ve sâdır olan ikrârından mezbûr İbrahim Bey bi’l-muvâcehe tasdîk ve bi’l-müşâfehe tahkīk etmeğin mâ hüve’l-vâki‘ bi’t-taleb ketb olundu. Fî-gurreti Zilhicceti’ş-şerîfe sene 1082 [1072] Şuhûdü’l-hâl: Fahrü’l-emâsil ve’l-akrân Mehmed Ağa b. Abdülmümin, el-Hâc Ahmed b. Abdullah, Veli b. Mahmud, Hüseyin b. Receb, Rasûl b. Rıdvan, Osman Çelebi b. Abdullah, İsmail b. Mehmed.