İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 757 Hüküm no: 920 Orijinal metin no: [119a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Portugal cemaatinden Milahom v. İsak ve Hanola bt. Arslan’ın Yako v. Şemayil’in David’de olan alacağına kefîl oldukları Kefâlet. Portugal cemâ‘atinden Milahom v. İsak ve Hanola bt. Arslan mahfil-i kazâda cemâ‘at-i mezbûreden bâ‘isü’s-sifr Yako v. Şemayil nâm Yahûdî muvâcehesinde her biri takrîr-i kelâm edip mezbûr Yako’nun işbu hazır bi’l-meclis David zimmetinde cihet-i deyn-i şer‘îden bin riyâlî guruş hakkı olup defaten edâya iktidârı olmayıp taksît murâd etdikde mezbûr Yako dahi bin yetmiş Muharremi’l-harâm’ının on yedisinden sonra her ayda yüz yirmi beş riyâlî guruş vermek üzere iki yüz kırk gün tamamına değin taksît edip ol dahi taksît-i mezbûru kabûl ve deyn-i mezbûru edâya ta‘ahhüd etdikden sonra mezbûr David’in nefsine ve gaybet ederse mal-ı mukāssat-ı mezbûru her ayda edâsına tarafından emr ve kabûlü hâvî kefâlet-i sahîha-i şer‘iye ile kefîl olduk dediklerinde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Hurrire fî-gurreti Zilhicceti’ş-şerîfe li-sene isneteyn ve seb‘în ve elf. Şuhûdü’l-hâl: Abdi Çelebi b. Hüseyin. Veli b. Mahmud, Mehmed b. Mehmed, Mustafa el-muhzır, Hasan el-muhzır ve gayruhum.