İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 758 Hüküm no: 922 Orijinal metin no: [119a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Hasan’ın kocası Abdüllatif’teki alacağını tahsil etmek üzere Mehmed b. Hasan’ı vekil tayin ettiği Vekâlet. Mahmiye-i İstanbul’da Çakır Ağa mahallesi sâkinelerinden Fâtıma Hatun bt. Hasan meclis-i şer‘-i hatîrde işbu bâ‘isü’l-kitâb Mehmed b. Hasan nâm kimesne mahzarında ikrâr ve takrîr-i kalem edip zevcim gāib ani’l-meclis Abdüllatif b. ( ) nâm kimesne zimmetinde cihet-i karz-ı şer‘îden bin beş yüz akçe hakkımı taleb ve da‘vâ ve ahz u kabza ve ahz u kabzı mütevakkıf olduğu umûrun cümlesine ve lede’l-hükkâm mürâfa‘a ve muhâsamaya ve lâzım gelirse hul‘ ve ibrâya tarafımdan mezbûr Mehmed’i vekîl ve nâib-i menâb nasb ü ta‘yîn eyledim dedikde ol dahi vekâlet-i mezbûreyi kabûl ve hizmet-i lâzımesin edâya ta‘ahhüd etmeğin mâ hüve’l-vâki‘ bi’t-taleb ketb olundu. Fi’l-yevmi’s-sânî min-şehri Zilhicceti’ş-şerîfe li-sene isneteyn ve seb‘în ve elf. Şuhûdü’l-hâl: Mustafa b. Pervâne, Mehmed Reis b. Süleyman, Hüseyin b. Mustafa, Mehmed b. Mustafa, Osman Çelebi b. Mustafa, Rasûl b. Rıdvan