İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 759 Hüküm no: 923 Orijinal metin no: [119a-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Aynî Hatun’un kocası Mustafa ile muhâlaa ile boşandığı Hul‘. Mahmiye-i Kostantıniyye mahallâtından Mustafa Bey mahallesinde sâkine Aynî Hatun bt. Mehmed nâm hatun meclis-i şer‘a hâzıra olup râfi‘u hâze’l-kitâb Mustafa b. Mehmed nâm zevci ile muhâla‘a eyledi. Mezbûr Mustafa dahi nikâhında ma‘kūdun-aleyh dokuz bin akçe mehr-i müecceli, beynlerinde ma‘lûme nafaka-i iddeti mukābelesinde ve meûnet-i süknâsı mezbûre üzerine olmak üzere mezkûre Aynî Hatun ile hul‘ eyledi. Mezbûre Aynî Hatun bu sûretle yeni bir nikâh kıyılmadan ve mehir ödenmeden helâl olmayacak şekilde zevc-i sâbıkından ayrılmış oldu. Her biri hukūk-ı zevciyetle alâkalı diğerinin zimmetini ibrâ-yı âmm-ı kātı‘an li’n-nizâ‘ ve râfi‘an li’l-husûme ibrâ etti. Cerâ zâlike ve hurrire fî-gurreti Zilhicceti’l-harâm li-sene isneyn ve seb‘în ve elf. Şuhûdü’l-hâl: Mehmed Efendi b. Hasan el-imâm, Mustafa Halîfe b. Mehmed el-müezzin, Beşir b. Abdullah, Osman b. Yakub, Mustafa Beşe b. Abdullah.