İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 759 Hüküm no: 924 Orijinal metin no: [119b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müstakime bt. Abdullah’ın muhâlaa yoluyla kocası Osman b. Abdullah’tan boşandığı Muhâla‘a. Mahmiye-i İstanbul’da Akseki mahallesinde sâkine Müstakime bt. Abdullah nâm hatun meclis-i şer‘-i hatîrde zevci hâfızü’l-vesîka Osman b. Abdullah mahzarında tâyi‘aten ikrâr ve takrîr-i kelâm edip zevcim mezbûrun zimmetinde mütekarrir ve ma‘kūdün-aleyh beş yüz akçe mehr-i mü’eccelim ile kadr-ı ma‘rûf nafaka-i iddet-i ma‘lûmem üzerlerine ve me’ûnet-i süknâm dahi kendi üzerine olmak üzere mezbûr ile muhâla‘a-i sahîha-i şer‘iye ile muhâla‘a edip ol dahi hul‘-ı mezbûru kabûl eyledikden sonra zevciyete müte‘allika mezbûr ile da‘vâ ve nizâ‘ım yokdur dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sânî min-Zilhicceti’ş-şerîfe li-sene isneteyn ve seb‘în ve elf. Şuhûdü’l-hâl: Köseç Osman, Veli Beşe b. Mahmud, Mehmed Çelebi, Abdi Çelebi b. Hüseyin.