İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 765 Hüküm no: 932 Orijinal metin no: [121a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vahide Hatun’un kocası Ahmed Beşe’den muhâlaa ile boşandığı İbrâ ve ıskāt. Mahmiye-i Kostantıniyye mahallâtından Ali Paşa-yı atîk mahallesinde sâkine Vahide b. Halil nâm hatun meclis-i şer‘-i şerîf ve mahfil-i dîn-i münif el-masûn ani’t-tağyîr ve’t-tahrîfe hâzıra olup sahib-i hâze’l-kitâb Ahmed Beşe b. Abdullah nâm zevci ile muhâla‘a eyledi. Mezbûr Mustafa dahi nikâhında ma‘kūdun-aleyh râyicü’l-vakt bin akçe mehr-i müecceli, beynlerinde ma‘lûme nafaka-i iddeti ve meûnet-i süknâsı mezbûre üzerine olmak üzere mezkûre Vahide Hatun ile hul‘ eyledi. Mezbûre Vahide Hatun bu sûretle yeni bir nikâh kıyılmadan ve mehir ödenmeden helâl olmayacak şekilde zevc-i sâbıkından ayrılmış oldu. Her biri hukūk-ı zevciyetle alâkalı diğerinin zimmetini cemî‘ de‘âvî ve mutâlebâtdan ibrâ-yı âmm-ı kātı‘an li’n-nizâ‘ ve râfi‘an li’l-husûme ibrâ etti. Cerâ zâlike ve hurrire fî-gurreti Zilhicceti’ş-şerîfe li-sene isneyn ve seb‘în ve elf. Şuhûdü’l-hâl: Abdi b. Nurullah, Halil Beşe b. Ahmed, Mehmed Derya b., Rasûl b. Abdülaziz.