İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 766 Hüküm no: 933 Orijinal metin no: [121a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terkos eski metrepolidinin Şerife Ümmühani Hatun Vakfı’na olan borcunun kefaleti olmayan yeni metrepolidden istenmemesi gerektiği İkrâr-ı kefâlet. Havâss-ı Aliyye Kazâsı muzâfâtından Terkos metrepolidi olan hâmilü hâze’s-sifr Hırsafi v. Angilaki nâm râhib meclis-i şer‘-i hatîrde mahmiye-i İstanbul’da Nişancı-ı Atîk [mahallesinde] vâki‘ merhûme Şerife Ümmühani Hatun Vakfı’na meşrûtiyyet üzere mütevellî olan Ahmed Bey b. Mustafa nâm kimesne mahzarında üzerine da‘vâ edip mezbûr Ahmed Bey mütevellîsi olduğu vakf-ı mezbûr mâlından mukaddemâ Terkos metrepolidi olup hâlik olan Anastaş? nâm râhib zimmetinde yirmi bin akçe olup kable’l-edâ hâlik olup sen yerine metrepolid oldun deyü meblağ-ı mezbûra ben kefîl değil iken meblağ-ı mezbûru benden taleb etmekle rencîdeden hâlî değildir suâl olunup [121b] men‘ olunmak murâdımdır dedikde gıbbe’s-suâl mezbûr Ahmed Bey cevâbında meblağ-ı mezbûra merkūm Hırsafi kefîl olmadığın bi-tav‘ihiikrâr etmeğin alâ-mûceb-i ikrârihî bî-vech mu‘ârazadan mezbûr Ahmed Bey men‘ birle mâ-vaka‘a bi’t-taleb ketb olundu. Fi’l-yevmi’s-sâlis min-Zilhicceti’ş-şerîfe li-sene isneteyn ve seb‘în ve elf. Şuhûdü’l-hâl: Mustafa Çavuş b. Abdullah, Mustafa b. Mehmed, Pîrî b. Hüseyin, Halil b. Ali, Osman Çelebi b. Abdullah ve gayruhum.