İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 774 Hüküm no: 944 Orijinal metin no: [123b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mosis v. Laçin, Serkis v. Kiregos, Minas v. Arab ve Marat’ın kürkçü akçesi hususunda kimse ile anlaşmazlıkları olmadığına dair ikrarları Yoros kazâsına tâbi‘ Beykoz kasabası mütemekkinlerinden işbu hâmilü’s-sifr Avanos v. Şerbet ve Haçador v. Bogos ve Aradon v. Bogos nâm Ermeniler meclis-i şer‘-i hatîrde mahmiye-i İstanbul’da Hızır İlyas cemâ‘atinden Mosis v. Laçin ve Serkis v. Kiregos ve Minas v. Arab ve Marat nâm Ermeni zimmîler muvâcehelerinde üzerlerine her biri da‘vâ ve takrîr-i kelâm edip zimmîyûn-ı mezbûrûn Mosis ve Serkis ve Minas ve Marat siz kürkçü teklîfini edâda bizim cemâ‘atimize yamaksız deyü bizi rencîdeden hâlî değillerdir suâl olunup takrîrleri tahrîr olunmak murâdımızdır dediklerinde gıbbe’s-suâl mezbûrûn Mosis ve Serkis ve Minas ve Marat bizim müdde‘iyyûn-ı mezbûrûn ile kürkçü akçesi husûsuna müte‘allika da‘vâ ve nizâ‘ımız yokdur ba‘de’l-yevm sudûr dahi ederse istimâ‘ olunmasın dediklerinde vâki‘u’l-hâl bi’t-taleb ketb olundu. Fi’l-yevmi’l-hâmis min-Zilhicceti’ş-şerîfe li-sene isneteyn ve seb‘în ve elf. Şuhûdü’l-hâl: İbrahim Çavuş el-mübâşir, el-Hâc Ahmed b. Mahmud, Veli b. Mahmud, Hasan b. Mustafa, Hüseyin b. İlbey ve gayru[hum.]