İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 778 Hüküm no: 949 Orijinal metin no: [124b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tacir Avanos v. Kirkor’a Malkoz v. Mirza’ya olan borcunu ödemesi için yirmi gün süre verildiği Mahmiye-i İstanbul’da Vâlide Hanı’nda sâkin tüccâr tâifesinden Avanos v. Kirkor nâm Ermeni mahfil-i kazâda yine tâife-i mezbûreden işbu bâ‘isü’s-sifr Malkoz v. Mirza muvâcehesinde ikrâr ve takrîr-i kelâm edip merkūm Malkoz [ile] beynimizde adedi ve vasfı ilm-i şer‘î ile ma‘lûm tülbent semeninden yirmi altı buçuk esedî guruş deynim olup meblağ-ı mezbûru hâlâ edâya iktidârım olmamağla tecîle tâlib olmağın mezbûr Malkoz târih-i kitâbdan yirmi gün tamamına dek meblağ-ı mezbûru edâya tecîl edip ben dahi ecel-i mezbûru kabûl eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sâbi‘ min-Zilhicceti’ş-şerîfe li-sene isneteyn ve seb‘în ve elf. Şuhûdü’l-hâl: Hüseyin b. Ebûbekir, Veli b. Mahmud, Mehmed b. Mustafa, Ahmed Efendi.