İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 787 Hüküm no: 956 Orijinal metin no: [127b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Bey b. Abdullah’ın Keçeci Pîrî mahallesindeki mülk menzilini Muslı Bey b. Hacı Hasan’a sattığı Mahmiye-i İstanbul’da Hürrem Çavuş mahallesi sâkinlerinden Mustafa Bey b. Abdullah nâm kimesne meclis-i şer‘de işbu râfi‘u’l-kitâb Muslı Bey b. el-Hâc Hasan mahzarında ikrâr ve takrîr-i kelâm edip mahmiye-i mezbûrede Keçeci Pîrî mahallesinde vâki‘ silk-i mülk-i sahîhimde münselik olup bir tarafdan Fâtıma Hatun mülkü ve bir tarafdan Neslihan Hatun mülkü ve iki tarafdan tarîk-i âm ile mahdûd bir bâb tahtânî oda ve bir sofa ve müşteri bir su kuyusu ve zât-ı eşcâr-ı müsmire ve gayr-ı müsmire hadîkayı hâvî ve kenîfi müştemil mülk menzilimi bi-cümleti’t-tevâbi‘ ve levâhıkı ile mezbûr Muslı Bey’e fıddî râyicü’l-vakt on altı bin akçeye tarafeynden îcâb ve kabûlü hâvî bey‘-ı bâtt-ı sahîh-i şer‘î ile bey‘ ve teslîm edip ol dahi vech-i meşrûh üzere iştirâ ve tesellüm ve kabûl etdikden sonra semeni olan on altı bin akçeyi mezbûr Muslı Bey yedinden tamamen ahz u kabz eyledim ba‘de’l-yevm menzil-i mahdûd-ı mezkûr mezkûr Muslı Bey’in mülk-i müşterâsıdır keyfe mâ yeşâ’ ve yahtâr mutasarrıf olsun [128a] dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sâbi‘ min-Zilhicceti’ş-şerîfe li-sene 1072 Şuhûdü’l-hâl: Ali Çelebi b. Ömer, el-Hâc İsmail b. Murad, İbrahim bölükbaşı b. Mustafa, Abdi b. Hüseyin, Mahmud b. Ali, Abdullah b. el-Hâc Hüseyin, Mehmed Efendi el-imâm, Mehmed Çelebi b. ( ) el-müezzin.