İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 796 Hüküm no: 964 Orijinal metin no: [130b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Penbe bt. Abdullah’ın vakfettiği menzile Mehmed Efendi b. Veli’nin mütevelli tayin olunduğu Mahmiye-i İstanbul’da Hasan Paşa mahallesinde vâki‘ lede’l-ahâlî ma‘lûmü’l-hudûd dekâkîn Penbe bt. Abdullah nâm sahibetü’l-hayrın süknâsı bir recül-i sâliha her gün bir sûre-i Mülk tilâvet ve vâkıfe-i mezbûrenin rûhuna hîbe etmek şartıyla vakf eylediği menzilin mütevellîsi olmamağla işbu sahibü’l-kitâb es-Seyyid Mehmed Efendi b. Veli ber-mûceb-i şart-ı vâkıfe-i mezbûre cânib-i şer‘den vakf-ı mezbûra hasbî mütevellî nasb ve ta‘yîn olundukda ol dahi tevliyet-i merkūmeyi kabûl ve hizmet-i lâzımesini edâya ta‘ahhüd ve iltizâm etmeğin mâ hüve’l-vâki‘ bi’t-taleb ketb olundu. Fi’r-râbi‘ min-Zilhicceti’ş-şerîfe li-sene isneteyn ve seb‘în ve elf. Şuhûdü’l-hâl: Fahrü’l-kuzât Ahmed Efendi, es-Seyyid Hasan Efendi b. Mehmed Çavuş, Abdullah Çelebi b. du‘âcı Dede, el-Hâc Mustafa Odabaşı, el-Hâc Ahmed b. Mahmud kethudâ-yı muhzırân, Baba Rasûl b. Rıdvan, Abdil Çelebi b. Hüseyin.