İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 796 Hüküm no: 965 Orijinal metin no: [131a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nahılbend mahallesindeki vakıf menzile Veli b. Mehmed’in mütevelli tayin olunduğu Hasbiyallâh El-emru kemâ lutife bîh elsinetü’s-sütûr Nemekahü’l-fakīru ile’l-ganiyyi’l-gafûr Abdurrahim el-muhâsib bi-Dârü’s-saltanati’s-seniyye Kostantıniyye -Afallâhu te‘âlâ anh- Mahmiye-i İstanbul’da Nahılbend mahallesinde vâki‘ merhûm ( ) nâm tabbâh-ı sultanî vakf ve süknâsını ulemâdan bir recül-i sâliha şart ve ta‘yîn eylediği iki tarafı tarîk-i âmma ve bir tarafı ba‘zan Sarrâc Mehmed Bey mülküne ve ba‘zan Â[i]şe Hatun mülküne ve bir tarafı Anber Hatun mülküne müntehî vakf menzilin mütevellîsi olmamağın bir mütevellî nasb ü ta‘yîn olunmak lâzım ve mühim olduğu sikāt-ı ahrâr ihbârlarıyla lede’ş-şer‘i’l-mutahhar müte‘ayyin olmağın işbu râfi‘u’l-kitâb Veli b. Mehmed menzil-i mevkūf-ı mezkûra hasbî mütevellî nasb ü ta‘yîn olunup ol dahi tevliyet-i mezbûreyi kabûl ve merâsimini edâya müte‘ahhid olmağın mâ-vaka‘a bi’t-taleb ketb olundu. Fî-gurreti şehri Recebi’l-ferd li-sene isneteyn ve seb‘în ve elf. Şuhûdü’l-hâl: Receb b. Murad, Mustafa b. Ali, İsmail b. Murad, Mehmed Çelebi b. Hasan.