Bab Mahkemesi 11 Numaralı Sicil (H. 1081 / M. 1670-1671) cilt: 53, sayfa: 245 Hüküm no: 271 Orijinal metin no: [53a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bogos v. Kiragos’a olan borcunu ödemesi hususunda Sahak v. Agob’a tenbihte bulunulması Mahmiye-i İstanbul’da Ohri mahallesi sâkinlerinden işbu bâ‘isü’s-sifr Bogos v. Kiragos nâm zimmî meclis-i şer‘-i şerîfde Sahak v. Agob nâm zimmî muvâcehesinde üzerine da‘vâ ve takrîr-i kelâm edip mezbûr Sahak zimmetinde cihet-i karzdan iki yüz esedî guruş hakkım olup hattâ mezbûr Sahak cihet-i mezbûreden bana zimmetinde iki yüz esedî guruş deyni olduğunu ikrâr dahi etmiş idi, suâl olunup ikrârına bana alıverilmek matlûbumdur dedikde gıbbe’s-suâl mezbûr Sahak cevâbında müdde‘î-i mezbûra cihet-i mezbûreden deynim ancak yüz otuz kıt‘a esedî guruş iken iki yüz guruş deynim vardır yetmiş guruşunu kâziben ikrâr etmiş idim deyicek, mezbûr Sahak vech-i muharrer üzere ikrâr etdiği iki yüz esedî guruşun yüz otuz guruşundan ziyâde yetmiş guruşunu ikrârında kâzib olmayıp kendi dahi ziyâdeyi da‘vâsında mubtil olmadığına müdde‘î-i mezbûra yemîn teklîf olundukda ol dahi alâ-vefki’l-mesûl yemîn billâhillezî enzele’l-incîle alâ-Îsâ -aleyhi’s-selâm- etmeğin mûcebince meblağ-ı mezbûr iki yüz kıt‘a esedî guruşu müdde‘î-i merkūm Bogos’a edâ ve teslîme mezbûr Sahak’a tenbîh olunmağın mâ-hüve’l-vâki‘ bi’t-taleb ketb olundu. Fî 18 min-Recebi’l-ferd li-sene 1081. Şuhûdü’l-hâl: Abdi Çelebi b. Hüseyin, Şükrullah Bey b. Mustafa, Papa Kasber v. Papa Kasber, Mitros v. Sahak