İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 828 Hüküm no: 1010 Orijinal metin no: [140a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sandıkçı Üstâd Yusuf b. Abdullah’ın Mahmud b. Cafer’de olan alacağını tahsil ettiği Mahmiye-i İstanbul’da sandıkçı tâifesinden Üstâd Yusuf b. Abdullah meclis-i şer‘de şâkirdi bâ‘isü’r-rakīm Mahmud b. Cafer mahzarında bi-tav‘ihiikrâr ve takrîr-i kelâm edip târih-i kitâbdan sekiz ay mukaddem mezbûr Mahmud’a iki bin [akçe] ikr[âz] ve teslîm ol dahi iktirâz ve kabz etmiş idi hâlâ meblağ-ı mezbûr iki bin akçeyi merkūm Mahmud yedinden tamamen alıp kabz eyledim meblağ-ı mezbûr iki bin akçeden mezkûr Mahmud zimmetinden bir akçe ve bir habbe hakkım bâkī kalmadı dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Hurrire fi’l-yevmi’l-işrîn min-Zilhicceti’ş-şerîfe li-sene isneyn ve seb‘în ve elf. Şuhûdü’l-hâl: Ramazan Beşe b. Mustafa, Hasan Beşe b. Ali, İsmail Çelebi b. Kurd, Abdülkerim b. Halil, Hacı Mustafa, Hasan Çelebi Hatîbzâde.