İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 841 Hüküm no: 1028 Orijinal metin no: [143a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Veli Bey’in vakfettiği yanmış menzil arsasına İbrahim b. İbrahim’in mütevelli tayin edildiği Mahmiye-i İstanbul’da İlmî Bey mahallesinde sâkin iken bundan akdem vefât eden Veli Bey nâm sahibü’l-hayrın mahalle-i mezbûrede vâki‘ bir tarafdan Medîne-i Münevvere vakfı ve bir tarafdan Kethudâ Hüseyin Bey mülkü ve bir tarafdan Balcı mülkü ve bir tarafdan tarîk-i âmma müntehî muhterik menzil arsasının tevliyetini eslah-ı evlâdına ve evlâd-ı evlâdına vakf, şart eylediği lede’ş-şer‘ zâhir ve mukarrer olmağın eslah-ı evlâddan işbu bâ‘isü’l-kitâb İbrahim [b.] İbrahim nâm kimesne dîndâr ve her vechile tevliyet uhdesinden gelmeğe kādir olmağın ber-mûceb-i şart-ı vâkıf arsa-i mezbûreye Hüseyin mütevellî nasb ve ta‘yîn olundukda ol dahi tevliyet-i mezbûreyi kabûl ve hizmet-i lâzımesini edâya ta‘ahhüd etmeğin mâ-vaka‘a bi’t-taleb ketb olundu. Fi’l-yevmi’s-sâmin aşer min-Zilhicceti’ş-şerîfe li-sene isneteyn ve seb‘în ve elf. Şuhûdü’l-hâl: Mehmed Ağa kethudâ, Mehmed b. Mahmud, Osman b. Mehmed, İbrahim Efendi, Çukadâr.