İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 854 Hüküm no: 1043 Orijinal metin no: [145b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bulûğ çağına erişen Kotne bt. Vasil’in Yani v. Dimitri ile evlendiği Mahmiye-i İstanbul’da Ali Paşa-yı Atîk mahallesi sâkinelerinden sinn ü cüssesinin bulûğa tahammülü olup bulûğunu mu‘terife olan Kotne bt. Vasil nâm Nasrâniye meclis-i şer‘-i hatîr-i lâzımü’t-tevkīrde işbu hâmilü’s-sifr Kasab Yani v. Dimitri nâm zimmî muvâcehesinde tâyi‘an ikrâr ve takrîr-i kelâm edip bin iki akçe mehr-i mü’eccel ve iki bin akçe mehr-i mu‘accel ve beynimizde cins ve adedi ma‘lûm esâs-ı beyt ve evânî-i nühâsiye üzerine ma‘kūd Kasab Yani zimmîye nefsimi inkâh ve tezvîc ve ol dahi minvâl-i muharrer üzere tezevvüc ve kabûl eyledi dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sânî ve’l-işrîn min-Zilhicceti’ş-şerîfe li-sene isneteyn ve seb‘în ve elf. Şuhûdü’l-hâl: el-Hâc Ahmed b. Mahmud, İslâm Bey b. Abdullah, Abdi Çelebi b. Hüseyin, Şükrullah b. Mustafa.