İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 863 Hüküm no: 1055 Orijinal metin no: [148a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasap Mehmed b. Mahmud’un ortağı Petro v. Petro zimmetinde iki bin iki yüz akçe alacağı olduğu İkrâr-ı deyn. Kasab tâifesinden Mehmed b. Mahmud kasablık san‘atında şerîki olan Petro v. Petro nâm zimmî muvâcehesinde üzerine da‘vâ ve takrîr-i kelâm edip asl-ı mâl olan on dokuz bin akçeden iki bin dört yüz akçe hüsrân olmağla mezbûr Petro’nun hissesine isâbet eden bin iki yüz akçeyi ve cihet-i karz-ı şer‘îden mezbûr Petro’nun zimmetinde olan bin akçe hakkımı ki cem‘an iki bin iki yüz akçe olur taleb ederim suâl olunsun dedikde gıbbe’s-suâl mezbûr Petro cevâbında hâl minvâl-i muharrer üzere olduğunu ikrâr edecek mûcebince meblağ-ı mezbûr iki bin iki yüz akçeyi merkūm Mehmed’e edâ ve teslîme mezbûr Petro’ya tenbîh birle mâ hüve’l-vâki‘ bi’t-taleb ketb olundu. Fi’l-yevmi’l-işrîn min-Zilhicceti’ş-şerîfe li-sene isneteyn ve seb‘în ve elf. Şuhûdü’l-hâl: Keşfî Mustafa Efendi, el-Hâc Mustafa kethudâ-yı muhzırân, Şükrullah b. Mustafa, Resûl b. Rıdvan, Mustafa b. Ahmed, Mehmed b. Ramazan.