İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 864 Hüküm no: 1057 Orijinal metin no: [148a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nesli bt. Osman’ın muhâlaa yoluyla kocası Mehmed Beşe b. Abdullah’tan boşandığı Muhâla‘a. Mahmiye-i İstanbul’da Yazıcı mahallesinde sâkine Nesli bt. Osman nâm hatun meclis-i şer‘-i hatîrde işbu bâ‘isü’l-kitâb zevci Mehmed Beşe b. Abdullah mahzarında ikrâr ve takrîr-i kelâm edip mezbûr Mehmed zevcim olup zimmetinde mütekarrir ve ma‘kūdün-aleyh olan beş yüz akçe mehr-i mü’eccelim ve nafaka-i iddet-i ma‘lûmem üzerine ve me’ûnet-i süknâm dahi kendi üzerime olmak üzere mezbûr Mehmed ile muhâla‘a-i sahîha-i şer‘iye ile muhâla‘a edip ol dahi hul‘-ı mezbûru kabûl eyledikden sonra zevciyete müte‘allika da‘vâdan her birimiz âharın zimmetini ibrâ-i âmm-ı kātı‘u’n-nizâ‘ [ile] ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’t-tâsi‘ ve’l-işrîn min-Zilhicceti’ş-şerîfe li-sene isneteyn ve seb‘în ve elf. Şuhûdü’l-hâl: Pîrî b. Hüseyin, Mustafa b. Hasan, Mustafa b. Mehmed, Ahmed b. Abdülcabbar, Hasan Baba el-muhzır.