|
İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 873 Hüküm no: 1069 Orijinal metin no: [150a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
İsmihan bt. Abdullah’ın Rus asıllı cariyesi Hayatî’yi azat ettiği
Mahmiye-i İstanbul’da Kırkçeşme kurbünde Sekbânbaşı mahallesinde sâkine İsmihan bt. Abdullah tarafından ikrâr-ı âti’z-zikre vekîl olup mezbûrenin zâtını ma‘rifet-i şer‘iye ile ârifân Mehmed b. Müstecâb ve Receb b. Ahmed el-müezzin şehâdetleri ile vekâleti sâbite olan Mustafa Beş eb. Osman meclis-i şer‘-i hatîr-i lâzımü’t-tevkīrde bi’l-vekâle ikrâr ve takrîr-i kelâm edip müvekkilem mezbûre İsmihan Hatun’un silk-i mülk-i sahîhinde münselik olup rıkkını kendüye mu‘terife olan açık kaşlı elâ gözlü orta boylu Rusiyyetü’l-asl Hayâtî bt. Abdullah nâm câriye-i memlûkesini hasbeten lillâhi te‘âlâ ve li-merzâti rabbihî’l-a‘lâ tahrîr ve i‘tâk ve silk-i harâ’ir-i asliyâta ilhâk ve idrâc eyledi ba‘de’l-yevm mezbûre Hayâtî sâir harâ’ir-i asliyât gibi hürre olup üzerinde velâdan gayrı hakkı bâkī kalmadı dedikde mâ-vaka‘a bi’t-taleb ketb olundu.
Fi’l-yevmi’s-sâlis min-Muharremi’l-harâm li-sene selâse ve seb‘în ve elf.
Şuhûdü’l-hâl: Kutb-ı harâir Felekhimmet Efendi, Hammâmî Ahmed Çelebi, Ali Beşe b. Receb, Müezzin Receb, Sarrâc Mehmed Bey, Kâtibü’l-hurûf el-Hâc Mahmud Efendi Burûsî, Abdi Çelebi b. Hüseyin, Mustafa el-muhzır.
|