İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 884 Hüküm no: 1088 Orijinal metin no: [151b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Doşeli bt. Sefer’in üzerine amcası Danis v. Avanos’un vasi, dayısı Asvador v. Dorik’in de vasî üzerine nâzır tayin olundukları Mahrûse-i Galata’da Sultan Bâyezid mahallesinde sâkin iken bundan akdem hâlik olan Sefer v. Şamon nâm zimmînin sulbiye sagīre kızı Doşeli’nin emvâlini zabt ve ahvâlini hıfza bir vasî nasbı lâzım ve mühim olmağın ammi işbu bâ‘isü’s-sifr Danis v. Avanos nâm zimmî müstakīm olmağın kıbel-i şer‘den sagīre-i mezbûre üzerine mezbûr Danis’i vasî nasb ü ta‘yîn olundukda ol dahi vesâyet-i mezbûreyi kabûl ve hizmet-i lâzımesin edâya ta‘ahhüd eyledikden sonra sagīre-i mezbûrenin hâli Asvador v. Dorik nâm zimmî vasîyy-i mezbûr üzerine hasbî nâzır nasb ü ta‘yîn olundukda ol dahi nezâret-i mezbûreyi kabûl ve hizmet-i lâzımesini edâya ta‘ahhüd etmeğin mâ-vaka‘a bi’t-taleb ketb olundu. Fi’l-yevmi’s-sâdis min-Muharremi’l-harâm li-sene selâse ve seb‘în ve elf. Şuhûdü’l-hâl: Hızır b. Abdullah, Ahmed b. Hasan, Mehmed b. el-Hâc Ali, el-Hâc Şaban b. el-Hâc İsmail, Şükrullah b. Mustafa, Rasûl Baba b. Rıdvan, Andriya v. Avraham, Karabit v. Haçok.