İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 893 Hüküm no: 1100 Orijinal metin no: [153a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Merhum Hüseyin Efendi’nin küçük kızı Fâtıma üzerine dedesi Mehmed Beşe’nin vasî tayin olunduğu Dârü’l-hilâfeti’l-aliyye Kostantıniyyeti’l-mahmiye’de Debbağzâde mahallesinde sâkin iken bundan akdem fevt olan Hüseyin Efendi b. Mehmed Beşe’nin sagīre kızı Fâtıma’nın babasından intikāl eden emvâlini zabt ve ahvâlini hıfza bir vasî nasbı lâzım olmağın işbu bâ‘isü’l-vesîka sagīre-i mezbûrenin dedesi Mehmed Beşe b. Abdullah her vechile vesâyet uhdesinden gelmeğe kādir ve dîndâr ve müstakīm olduğunu zeyl-i kitâbda mastûrü’l-esâmî Müslimîn ihbârları ile müte‘ayyin olmağın hâkim-i muvakkı‘-ı sadr-ı kitâb tûbâ-lehû ve hüsnü-meâb hazretleri mezbûr Mehmed Beşe’yi sagīre-i mezbûrenin tesviye-i umûruna vasî nasb ü ta‘yîn eyledikde ol dahi kabûl ve hizmet-i lâzımesini edâya ta‘ahhüd etmeğin mâ-vaka‘a bi’t-taleb ketb olundu. Fi’l-yevmi’s-sâlis min-Muharremi’l-harâm li-sene selâse ve seb‘în ve elf. Şuhûdü’l-hâl: es-Sâbıkūn.