Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 91 Hüküm no: 77 Orijinal metin no: [12a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Abdullah’ın ev ve tarlalarını kardeşine sattığı Vilâyet-i Anadolu’da Terzihanı kazâsına tâbi‘ (...) ahâlîsinden olup mahmiye-i İstanbul’da sırık hamalı tâifesinden Mehmed b. Abdullah karındaşı olan bâ‘isü’l-kitâb Şa‘ban (...) mahzarında ikrâr-ı tâm ve bast-ı merâm kılıp karye-i mezbûrede vâki‘ bir tarafdan (...) Şa‘ban Fakih mülkü bir tarafdan Yakub? Hasan ve bir tarafdan Yusuf b. Mehmed mülkü ve bir tarafdan tarîk-i âm ile mahdûd fevkānî bir bâb beyti ve altında ahır ve anbar ve samanlık ve havluyu hâvî menzilin mülk-i mevrûsum olan sülüs-i şâyi‘îni karındaşım mezbûra altı yüz akçeye bey‘-i bâtt-ı sahîh-i şer‘î ile bey‘ ol dahi iştirâ ve kabûl etmeğin ve yine karye-i mezbûr sınırının dâhilinde inde ahâlî’d-diyâr ma‘lûmü’l-hudûd ve’l-mikdâr olan tarlalardaki hisse-i şâyi‘amı ma‘rifet-i sâhib-i arzla dört yüz akçeye ferağ ve tefvîz ol dahi tefevvüz ve kabûl ettikden sonra semen-i mezbûr ve bedel-i mersûm cem‘an bin akçeyi yedinden ahz edip meblağ-ı mezbûru mahallinde kabza teslît eyledim dedikde gıbbe’t-tasdîk. Şuhûdü’l-hâl: Mehmed b. Süleyman, Mehmed b. Kaya Balı, Mehmed b. Bali, Mehmed Beşe b. Hüseyin, Mehmed Beşe b. Pîrî, Rıdvan Beşe Abdullah ve gayruhum.