.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 131
Hüküm no: 49
Orijinal metin no: [4b-6]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


El-Hâc Musa b. Ali’nin arsasını zevcesi Hatice bt. Abdullah’a hibe ettiği

Hibe-i arsa Mahmiye-i İstanbul’da Mi‘mâr Ayas mahallesi ahâlîsinden el-Hâc Musa b. Ali meclis-i şer‘-i hatîr-i lâzımü’t-tevkīrde zevcesi Hatîce bt. Abdullah nâm hâtun tarafından ikrâr-ı âti’z-zikri tasdîke vekîl olan Mustafa Çelebi b. Ahmed el-Müezzin mahzarında ikrâr ve takrîr-i kelâm edip mahalle-i mezbûrede vâki‘ bir tarafı Ases Mehmed Beşe menziline ve bir tarafı mezbûr Mustafa Çelebi menziline ve iki tarafı tarîk-i âma müntehî mülk arsa-i hâliyemi, tevâbi‘ ve levâhıkı ile zevcem müvekkile-i merkūme Hatîce Hâtun’a [5a] hibe-i sahîha ile hibe ve teslîm ol dahi ber minvâl-i muharrer ittihâb ve tesellüm eyledi. Min ba‘d arsa-i mahdûde-i mezkûre merkūmenin mülk-i mevhûbu olmuşdur keyfe mâ yeşâ’ mutasarrıfe olsun dedikde gıbbe’t-tasdîki’l-mu‘teber mâ vaka‘a bi’t-taleb ketb olundu. Fi’l-yevmi’s-sâdis aşer min şehri Ramazâni’l-mübârek sene 1073.


Şuhûdü’l-hâl: Abdüllatif Efendi el-İmâm, el-Hâc Ebûbekir b. Ömer, Mustafa Çelebi b. Ahmed el-Müezzin, Hasan Bey b. Yusuf, Hasan Çelebi b. el-Hâc Hürrem el-Müezzin, Mahmud Beşe b. İbrahim, Hasan Beşe b. Kasım, Mustafa Çelebi b. Ali, Ahmed Çelebi b. Yusuf, Abdi Çelebi el-Muhzır, Ahmed Çelebi b. Mahmud kethüdâ-yı muhzırân.