.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 131
Hüküm no: 50
Orijinal metin no: [5a-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Abdullah Efendi b. eş-Şeyh Hasan Efendi’nin Rus asıllı cariyesi Seher bt. Abdullah’ı azat ettiği

Itâknâme Mahmiye-i İstanbul’da Pirinççi Sinan mahallesinde sâkin umdetü’l-ulemâ’i’l-izâm zübdetü’l-fuzalâi’l-fihâm Abdullah Efendi b. eş-Şeyh Hasan Efendi tarafından i‘tâk-ı âti’z-zikri ikrâra vekîl olup müezzin Hasan Halîfe b. Abdullah ve Ali b. Abdullah nâm kimesneler şehâdetleriyle şer‘an vekâleti sâbite olan Osman Bey b. Ahmed nâm kimesne meclis-i şer‘-i hatîrde bi’l-vekâle ikrâr ve takrîr-i kelâm edip müvekkil-i müşârün-ileyh Abdullah Efendi rıkkıyyetini kendiye mu‘terife olan, işbu uzun boylu açık kaşlı gök gözlü Rusiyyetü’l-asl bâ‘isetü hâze’l-kitâb Seher bt. Abdullah nâm câriye-i memlûkesini hasbeten lillâhi’l-meliki’l-hallâk tahrîr ve i‘tâk ve silk-i harâir-i asliyyâta idrâc ve ilhâk eyledi ba‘de’l-yevm merkūme Seher sâir harâir-i asliyyât gibi hürre olup üzerinde müvekkil-i müşârün-ileyh Abdullah Efendi’nin hakk-ı velâdan gayrı hakkı bâkī kalmadı dedikde vâki‘ü’l-hâl bi’t-taleb ketb olundu. Fi’l-yevmi’t-tâsi‘ aşer min şehri Ramazâni’l-mübârek li sene selâse ve seb‘în ve elf.


Şuhûdü’l-hâl: Ahmed Çelebi b. Abdullah, İbrahim Efendi el-Müderris, Mustafa Beşe Seroda, Ahmed b. ( ), Hüseyin b. ( ).