.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 132
Hüküm no: 52
Orijinal metin no: [5a-3]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Raziye bt. Ali’nin Krastinike bt. Bağdasar isimli Ermeni’ye sattığı kırmızı çukanın parasını tahsil ettiği

Kabz-ı semen-i zeyn-i pûş Mahmiye-i İstanbul’da Atmeydanı kurbunda sâkine Râziye bt. Ali nâm hâtun meclis-i şer‘-i hatîrde bâ‘isetü hâze’s-sifr Krastinike bt. Bağdasar nâm Ermeniyye mahzarında bi tav‘ihâ ikrâr ve takrîr-i kelâm edip mukaddemâ mezbûre Krastinike’ye kırmızı çuka üzerine sırma işleme bir zeyn-pûşumu yedi bin fıddî râyic fi’l-vakt akçeye bey‘ ve teslîm ol dahi iştirâ ve tesellüm ve kabûl etmiş idi hâlâ semeni olan meblağ-ı mezbûr yedi bin akçeyi merkūme Krastinike yedinden tamâmen alıp kabz eyledim ba‘de’l-yevm mezbûre Krastinike zimmetinde meblağ-ı mezbûrdan bâkī bir akçe ve bir habbe alacağım kalmadı dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’l-ışrîn min şehri Ramazâni’l-mübârek sene 1073.


Şuhûdü’l-hâl: Keşfî Mustafa Efendi b. Muharrem, Ali Çelebi, Mahmud b. Resûl, Mehmed Çavuş b. Abdullah el-Mübâşir, Mehmed b. Ramazan.