|
İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 136 Hüküm no: 58 Orijinal metin no: [5b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Fâtıma bt. Cafer’e kocası Ahmed’in oğlu Mehmed için nafaka ödemeye mahkum edildiği
Nafaka Mahmiye-i İstanbul’da Karabaş mahallesinde sâkine Fâtıma bt. Cafer nâm hâtun meclis-i şer‘-i hatîr-i lâzımü’t-tevkīrde takrîr-i kelâm edip işbu zevc-i mutallıkım Ahmed’in sagīr oğlu olup hâlâ hacr ve terbiyemde olan Mehmed nâm sagīr için babası mezbûr üzerine kadr-i kifâye nafaka takdîr olunmak matlûbumdur dedikde hâkim-i muvakki‘-i kitâb tûbâ lehû ve hüsnü me’âb hazretleri dahi sagīr-i mezbûrun nafaka ve kisvesi ve sâir havâic-i lâzımesi için babası mezbûr üzerine beher yevm beşer akçe farz ve takdîr edip meblağ-ı mezbûru sarfa ve vakt-i zarûretde istidâneye ve lede’z-zafer rücû‘a mezbûre Fâtıma’ya izin birle mâ vaka‘a bi’t-taleb ketb olundu. Fi’l-yevmi’l-ışrîn min şehri Ramazâni’l-mübârek sene 1073.
Şuhûdü’l-hâl: Hızır Beşe b. Osman, el-Hâc Mustafa b. Muslu, Hasan Beşe b. Osman, Abdülbâkī Çelebi.
|