.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 137
Hüküm no: 59
Orijinal metin no: [5b-3]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Mehmed Bey b. Sinan’ın Anastas v. Adam’dan alacağını tahsil ettiği

Kabz-ı deyn Mahmiye-i İstanbul’da Elvanzâde oğlu mahallesi sâkinlerinden Mehmed Bey b. Sinan nâm kimesne meclis-i şer‘-i şerîf-i lâzımü’t-teşrîfde, işbu râfi‘ü’s-sifr Anastas v. Adam nâ[m] [zim]mî muvâcehesinde ikrâr ve takrîr-i kelâm edip mezbûr Anastas zimmetinde cihet-i karz-ı şer‘îden otuz yedi bin akçe ve beynimizde ma‘lûm bir husûs için ücretimden dahi altı bin akçe ki cem‘an kırk üç bin akçeyi mezbûr Anastas yedinden bi’t-tamâm ve’l-kemâl ahz u kabz eyledim, zimmetinde bir akçe ve bir habbe hakkım bâkī kalmadı dedikde gıbbe’t-tasdîki-şer‘î mâ vaka‘a bi’t-taleb ketb olundu. Tahrîren fi’l-yevmi’s-sâmin aşer min şehri Ramazâni’l-mübârek sene 1073.


Şuhûdü’l-hâl: Baba Resûl b. Rıdvan, el-Hâc Ahmed b. Mahmud, Mustafa b. Mehmed, Şükrullah b. Mustafa, Abdi b. Hüseyin, Mehmed b. Ramazan, Hasan b. Mustafa, Hüseyin b. Ebûbekir.