.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 139
Hüküm no: 63
Orijinal metin no: [6a-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Yusuf Çelebi b. Ahmed’in evini Ali b. Ebûtâlib’e sattığı

Mülknâme Mahmiye-i İstanbul’da Hasan Paşa mahallesi ahâlîsinden Yusuf Çelebi b. Ahmed nâm kimesne meclis-i şer‘de hâfızü’l-vesîka Ali b. Ebû Tâlib mahzarında ikrâr ve takrîr-i kelâm edip mahalle-i merkūmede vâki‘ bir tarafı Süleyman Beşe mülküne ve bir tarafı Ali Çelebi mülküne ve bir tarafı Receb Subaşı mülküne ve bir tarafı tarîk-i âma müntehî iki bâb fevkānî ve iki bâb tahtânî odaları ve kenîfi ve kârizi ve müşterek su kuyusunu ve cüneyneyi müştemil mülk menzilimi, iki yüz esedî guruşa mezbûr Ali’ye tarafeynden îcâb ve kabûlü hâvî bâtten bey‘ ve teslîm ol dahi ber minvâl-i muharrer iştirâ ve tesellüm eyledikden sonra semeni olan iki yüz esedî guruşu mezbûr Ali yedinden alıp kabz eyledim min ba‘d menzil-i mezbûru mülkiyyet üzre tasarruf eylesin dedikde gıbbe’t-tasdîk mâ vaka‘a bi’t-taleb ketb olundu. Fi’l-yevmi’t-tâsi‘ aşer min şehri Ramazâni’l-mübârek li sene selâse ve seb‘în ve elf.


Şuhûdü’l-hâl: Hasan Ağa b. Hüseyin, Abdurrahman Çelebi b. Ömer, Mehmed Çelebi b. Ömer, el-Hâc Mustafa Odabaşı, Mehmed Çelebi b. Mustafa el-Müezzin, Mehmed Efendi el-kadı, Süleyman Beşe er-Râcil, Yusuf Çelebi, Demirci Mustafa Çelebi.