.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 140
Hüküm no: 65
Orijinal metin no: [6a-3]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Fâtıma bt. Cafer’in Ahmed b. Osman’dan muhâlaa yoluyla boşandığı

Hul‘ Mahmiye-i İstanbul’da Karabaş mahallesinde sâkine Fâtıma bt. Cafer nâm hâtun mahfil-i kazâda ve dahi bâ‘isü’l-kitâb Ahmed b. Osman mahzarında takrîr-i kelâm edip zevcim mezbûr Ahmed zimmetinde mütekarrir ve ma‘kūdun-aleyh olan iki bin akçe mehr-i müeccelim ve nafaka-i iddet me’ûnet-i süknâm kendi üzerime olmak üzre, mezbûr Ahmed ile muhâla‘a-i sahîha ile muhâla‘a edip hukūk-ı zevciyyete müte‘allika âmme-i da‘vâdan herbirimiz âharın zimmetini ibrâ ve iskāt eyledik dedikde gıbbe’t-tasdîk[i’ş-şer‘î mâ vaka‘a bi’t-taleb ketb olundu]. Fi’[l-yevmi’s]-sânî ve’l-ışrîn min şehri Ramazâni’l-mübârek sene 1073.


Şuhûdü’l-hâl: Camcı Hızır Beşe, Hacı Mustafa b. Muslu, Mehmed Çelebi b. Ahmed, Hasan b. Osman, Ali Beşe b. Osman Çukadar, Bakī Çelebi b. ( ).