|
İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 150 Hüküm no: 84 Orijinal metin no: [7a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Hasan Beşe b. Mustafa’nın Güllükesri kazasındaki menzilleri arsasındaki hissesini Kurnak v. Rudi’ye sattığı
Bey‘-i mahall-i bâb-ı menzil Dergâh-ı âlî yeniçerilerinin kırk dokuz Hâssa kiler odası neferâtından Hasan Beşe b. Mustafa nâm râcil meclis-i şer‘-i hatîr-i lâzımü’t-tevkīrde bâ‘isü’l-vesîka Kurnak v. Rudi nâm zimmî muvâcehesinde ikrâr edip vilâyet-i Rumeli’nde Güllükesri kazâsı kurâsından Mavrova? nâm karyede vâki‘ benim sâkin olduğum mülk menzil ile mezbûr zimmînin mülk menzilinin sokak kapısı açılan lede’l-ahâlî ma‘lûmü’l-hudûd mahalle ber vech-i iştirâk-i seviy mezbûr ile benim mülküm olmağla kendi menzilimin kapısını mahall-i mezbûrdan kaldırıp tarîk-i âm tarafından vaz‘ edip ba‘dehû ol nısf hisse-i şâyi‘amı bin iki yüz akçeye mezbûra bey‘ ol dahi ber minvâl-i muharrer iştirâ ve kabûl eyledikden sonra, semen-i mezbûr bin iki yüz akçeyi yedinden alıp mahallinde zabta mezbûr Kurnak zimmîyi taslît eyledim dedikde gıbbe’t-tasdîk mâ vaka‘a bi’t-taleb ketb olundu. Fi’l-yevmi’s-sânî ve’l-ışrîn min şehri Ramazâni’l-mübârek sene 1073.
Şuhûdü’l-hâl: Resûl Beşe b. Osman, İbrahim Beşe b. Ahmed, Mehmed Beşe b. Mustafa, İsmail Çelebi, Abdi Çelebi b. Hüseyin.
|