.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 169
Hüküm no: 115
Orijinal metin no: [9b-6]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Muharrem b. Zünnûn’un Mehmed Beşe b. Ali’ye borcunun üç bin akçesinin ibrâ edildiği

İbrâ Mahmiye-i İstanbul’da Cebecibaşı mahallesi ahâlîsinden Muharrem b. Zünnûn nâm kimesne meclis-i şer‘de hâmilü’l-kitâb Mehmed Beşe b. Ali mahzarında tâyi‘an ikrâr ve i‘tirâf edip mezbûr Mehmed Beşe’den mukaddemâ yirmi üç bin akçe iktirâz ve kabz eylediğimden sonra adedi ve cinsi beynimizde ma‘lûm olup mezbûr Mehmed Beşe yedinde emânet olan eşyâ-i memlûkemi yedinden alıp kabz eylediğimde meblağ-ı mezbûrun üç bin akçesinden geçip zimmetimi ibrâ edip mezbûre bâkī yirmi bin akçe deynim kalmış idi hâlâ mezbûr Mehmed Beşe’den suâl olunsun dedikde gıbbe’s-suâl mezbûr Mehmed Beşe cevâbında kaziyye bâlâda tafsîl ve beyânı mürûr ettiği üzredir deyû ikrâr edicek ikrârı bi’t-taleb ketb olundu. Fi’l-yevmi’s-sâmin min Şevvâli’l-mükerrem li sene selâse ve seb‘în ve elf.


Şuhûdü’l-hâl: Hasan Efendi b. Mustafa müezzin-i mahalle-i merkūme, Mehmed Çelebi b. Hızır, İbrahim Beşe b. Yusuf, Sâ‘atî Mustafa Çelebi, Müezzin Ahmed Çelebi, Ahmed Beşe b. Ahmed, Mehmed Beşe b. İbrahim, Veli Beşe b. Muslu, Ömer Çelebi odabaşı 23 C[emâ‘at], Abdi Çelebi b. Hüseyin el-Muhzır, Mehmed b. Ramazan el-Muhzır.