.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 171
Hüküm no: 120
Orijinal metin no: [10a-4]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Meryem bt. Mustafa’nın kocası es-Seyyid Mehmed b. Veli’den muhâlaa yoluyla boşandığı

Hul‘ Mahmiye-i İstanbul’da Tercüman Yunus mahallesi sâkinelerinden Meryem bt. Mustafa nâm hâtun meclis-i şer‘de zevci es-Seyyid Mehmed b. Veli mahzarında ikrâr ve takrîr-i kelâm edip zevcim mezbûr es-Seyyid Mehmed zimmetinde mütekarrir ve ma‘kūdun-aleyh olan iki bin iki yüz akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre, mezbûr Seyyid Mehmed ile muhâla‘a-i sahîha-i şer‘iyye ile hul‘ edip ol dahi hul‘-ı mezbûru kabûl eyledikden sonra, zevciyyete ve gayra müte‘allika cemî‘ da‘vâdan her birimiz âharın zimmetini ibrâ-i âm-ı kātı‘ü’n-nizâ‘ ile ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sânî aşer min Şevvâli’l-mükerrem sene 1073.


Şuhûdü’l-hâl: Mehmed Efendi b. Mustafa, Cafer Çelebi b. Pîrî, Mehmed b. Ahmed, Şükrullah b. Mustafa, Abdi Çelebi b. Hüseyin, Mehmed b. Abdullah, Resûl b. Rıdvan, Mehmed b. Ramazan.