|
İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 176 Hüküm no: 127 Orijinal metin no: [10b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Yakub v. Ferhad’ın menzilini Mardiros v. Serkis’e sattığı
Mülknâme Mahmiye-i İstanbul’da Kefeli mahallesinde sâkin Yakob v. Ferhat meclis-i şer‘-i hatîrde râfi‘ü’l-vesîka Mardiros v. Serkis nâm Ermeni muvâcehesinde ikrâr ve takrîr-i kelâm edip mahalle-i mezkûrede vâki‘ bir tarafı bâyi‘-i mezbûr mülkü ve bir tarafı Yakob v. Ferhat mülkü ve bir tarafı Bayram Çavuş tasarrufunda olan vakıf menzil ve bir tarafı tarîk-i âm ile mahdûd olup bir bâb tahtânî odayı ve fevkinde tahtapûşu ve mahzeni ve bir mikdâr arsa-i hâliyeyi müştemil menzilimi merkūm Mardiros’a yüz elli esedî guruşa bey‘ ve teslîm edip ol dahi iştirâ ve tesellüm ve kabûl eyledikden sonra, meblağ-ı mezbûr elli esedî guruşu yedinden tamâmen alıp kabz edip fîmâ ba‘d menzil-i mezbûr cemî‘ tevâbi‘i ile mezbûrun mülk-i müşterâsıdır, keyfe mâ yeşâ’ mutasarrıf olsun dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâlis aşer min Şevvâli’l-mükerrem sene 1073.
Şuhûdü’l-hâl: Ahmed Efendi b. Mahmud el-İmâm, Abdünnebî Halîfe el-Müezzin, Ali Beşe b. Hasan, Hasan b. el-Hâc Mehmed.
|