|
İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 177 Hüküm no: 128 Orijinal metin no: [10b-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Sâliha bt. Resûl’ün kocası Bayram’dan muhâlaa yoluyla boşandığı
Hul‘ Mahmiye-i İstanbul’da Koruk Mahmud mahallesinde sâkine Sâliha bt. Resûl nâm hâtun meclis-i şer‘de zevci işbu bâ‘isü’l-kitâb Bayram nâm kimesne mahzarında ikrâr ve takrîr-i kelâm edip zevcim Bayram zimmetinde mütekarrir ve ma‘kūdun-aleyh olan altı yüz akçe mehr-i müeccelim ve nafaka-i iddet-i ma‘lûmem ve me’ûnet-i süknâm dahi kendi üzerime olmak üzre, muhâla‘a-i şer‘iyye ile muhâla‘a edip ol dahi hul‘-ı mezbûru kabûl ettikden sonra zevciyyete müte‘allik âmme-i da‘vâdan herbirimiz âharın zimmetini ibrâ eyledik dedikde gıbbe’t-tasdîki’l-mu‘teber mâ vaka‘a bi’t-taleb ketb olundu. Fi’l-yevmi’s-sâdis aşer min Şevvâli’l-mükerrem li sene selâse ve seb‘în ve elf.
Şuhûdü’l-hâl: Şükrullah Bey, Abdi Çelebi b. Hüseyin, Baba Resûl b. Rıdvan, Mehmed b. Ramazan, Hızır b. Abdünnebî.
|