|
İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 184 Hüküm no: 137 Orijinal metin no: [12a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
el-Hâc Mehmed b. el-Hâc Abdi’nin Mehmed Emin Bey’deki alacağını tahsil ettiği
İbrâ Mahmiye-i İstanbul’da Samadya kurbunda el-Hâc Hüseyin mahallesi sâkinlerinden râfi‘ü’l-kitâb el-Hâc Mehmed b. el-Hâc Abdi meclis-i şer‘-i hatîr-i lâzımü’t-tevkīrde merhûm İsmail Paşa mahdûmu zahrü’l-emâsil Mehmed Emin Bey mahzarında bi tav‘ihî ikrâr ve i‘tirâf edip mezkûr Mehmed Bey zimmetinde deyn-i şer‘îden bin üç yüz elli esedî guruş hakkım olup hâlâ meblağ-ı mezbûr bin üç yüz elli esedî guruşun bin yüz elli guruşunu müşârün-ileyh Mehmed Bey yedinden alıp kabz edip bâkī iki yüz esedî guruşdan merkūm Mehmed Emin Bey’in zimmetini ibrâ-i âm-ı kātı‘ü’n-nizâ‘ ile ibrâ ve iskāt eyledim dedikde mukırr-ı mezbûru ikrâr-ı meşrûhunda mukarrun-leh müşârün-ileyh vicâhen ve şifâhen tasdîk ve tahkīk etmeğin mâ hüve’l-vâki‘ bi’l-ibtigā ketb olundu. Fi’l-yevmi’l-âşir min Şevvâli’l-mükerrem li sene selâse ve seb‘în ve elf.
Şuhûdü’l-hâl: Fahrü’l-cüyûş Ali Çavuş b. Mustafa es-Selâmi, es-Seyyid Ahmed Çelebi b. es-Seyyid Hasan, Şeyhzâde Mustafa, el-Hâc Ahmed b. Mahmud, Hamza Ağa b. Mehmed, Mahmud b. Ali.
|