|
İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 184 Hüküm no: 138 Orijinal metin no: [12a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Fâtıma bt. Sefer’in el-Hâc Abdi b. el-Hâc Abdülazîz’den muhâlaa yoluyla boşandığı
Hul‘ Mahmiye-i İstanbul’da Sultan Selim Hân câmi‘-i şerîfi kurbunda vâki‘ Çukurbostan mahallesinde sâkine Fâtıma bt. Sefer nâm hâtun meclis-i şer‘-i hatîr-i lâzımü’t-tevkīrde zevci işbu râfi‘ü’l-kitâb el-Hâc Abdi b. el-Hâc Abdülazîz mahzarında ikrâr ve takrîr-i kelâm edip zevcim mezbûrun zimmetinde mütekarrir ve ma‘kūdun-aleyh olan altı yüz akçe mehr-i müeccelim ve nafaka-i iddet-i ma‘lûmem üzerine ve me’ûnet-i süknâm dahi kendi üzerime olmak üzre, zevcim mezbûr ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl eyledikden sonra zevciyyete müte‘allika da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîki’l-mu‘teber mâ vaka‘a bi’t-taleb ketb olundu. Fi’l-yevmi’s-sâdis aşer min [şehri] Şevvâli’l-mükerrem sene 1073.
Şuhûdü’l-hâl: Veli b. Mahmud, Şükrullah b. Mustafa, Abdi b. Hüseyin, Mehmed b. Mustafa, Resûl b. Rıdvan, Hüseyin b. Bayram.
|