.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 186
Hüküm no: 142
Orijinal metin no: [12a-6]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Kadire bt. Kabil’in Mustafa b. Mehmed’den muhâlaa yoluyla boşandığı

Hul‘ Mahmiye-i İstanbul’da Ali Paşa-yı Atîk mahallesinde sâkine Kādire bt. Kābil nâm hâtun meclis-i şer‘-i hatîr-i lâzımü’t-tevkīrde zevc-i muhâlı‘ı işbu râfi‘ü’l-kitâb Mustafa b. Mehmed mahzarında takrîr-i kelâm edip zevcim mezbûr Mustafa zimmetinde mütekarrir ve ma‘kūdun-aleyh olan bin akçe mehr-i müeccelim ve nafaka-i iddet ve me’ûnet-i süknâm üzerine muhâla‘a-i sahîha-i şer‘iyye ile muhâla‘a edip her birimiz âharın zimmetini hukūk-ı zevciyyete ve gayra müte‘allika da‘vâdan ibrâ-i âmm-ı kātı‘ü’n-nizâ‘ ile ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâdis aşer min [şehri] Şevvâli’l-mükerrem sene 1073.


Şuhûdü’l-hâl: Ali Çelebi b. Muharrem, Resûl Bey b. Rıdvan, Mustafa b. İsâ, Mehmed Çelebi b. Ali.