.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 189
Hüküm no: 145
Orijinal metin no: [12b-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Kırkıncı cemâate mahsus vakıf paradan ödünç alan Mehmed Beşe b. Mustafa’nın menzilini rehin verdiği

İstiğlâl Medîne-i Ebâ Eyyûb Ensârî’de Takyecibaşı mahallesi ahâlîsinden Mehmed Beşe b. Mustafa nâm kimesne meclis-i şer‘de Kırkıncı cemâ‘ate mahsûs odaya vakf olan akçenin bi’l-fi‘l mütevellîsi hâfızü’l-kitâb Halil Beşe b. Hasan mahzarında ikrâr ve i‘tirâf edip vakf-ı mezbûrdan mütevellî-i mezbûr yedinden iktirâz ve kabz eylediğim seksen üç esedî guruşa mahalle-i merkūmede vâki‘ bir tarafı Helvacızâde Efendi veresesi mülklerine ve bir tarafı Ayşe Hâtun mülküne ve bir tarafı tarîk-i âma müntehî büyût-ı adîdeyi müştemil mülk menzilimi bi tarîki’l-istiğlâl mütevellî-i mezbûra bey‘ ve teslîm ol dahi ber minvâl-i muharrer iştirâ ve tesellüm eyledikden sonra, târih-i kitâbdan sene-i kâmile tamâmına dek mütevellî-i mezbûrdan on iki buçuk esedî guruş ücretle menzil-i mezbûru ba‘de’t-tahliyyeti’ş-şer‘iyye istîcâr ve tesellüm, ol dahi vech-i muharrer üzre îcâr ve teslîm eyledi dedikde mukırr-ı mezbûru ikrâr-ı meşrûhunda mütevellî-i mezbûr Halil Beşe vicâhen tasdîk etmeğin mâ vaka‘a bi’t-taleb ketb olundu. Fi’l-yevmi’r-râbi‘ aşer min Şevvâli’l-mükerrem sene 1073.


Şuhûdü’l-hâl: Odabaşı Bâli Beşe, Mehmed Beşe b. Abdullah, Ahmed Çelebi b. Mehmed, Ahmed Beşe b. Mahmud, Mehmed b. Rıdvan, İbrahim b. Yusuf, Şükrullah Bey el-Muhzır, Abdi Çelebi el-Muhzır, çukadar Ali Beşe.