|
İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 208 Hüküm no: 179 Orijinal metin no: [15a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Ayşe bt. Musa’nın el-Hâc Abdurrahman b. el-Hâc Sadi’den boşandığı
Kabz-ı mehr ve ibrâ Mahmiye-i İstanbul’da Kalenderhâne mahallesi sâkinelerinden Ayşe bt. Musa nâm hâtun meclis-i şer‘-i hatîrde zevc-i mutallıkı râfi‘ü’l-kitâb el-Hâc Abdurrahim b. el-Hâc Sadi muvâcehesinde ikrâr ve i‘tirâf edip mezbûr Abdurrahim beni tatlîk etmekle zimmetinde mütekarrir olan dört bin akçe mehr-i müeccel-i müsemmâm ve nafaka-i iddet-i ma‘lûmem için dahi üç yüz akçe cem‘an dört bin üç yüz akçeyi zevcim mezbûr el-Hâc Abdurrahim yedinden alıp kabz eyledim. Fîmâ ba‘d zevciyyete ve gayra müte‘allika âmme-i da‘vâdan mezbûr el-Hâc Abdurrahim’in zimmetini ibrâ-i âm-ı kātı‘ü’n-nizâ‘ ile ibrâ ve iskāt eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sânî ve’l-ışrîn min Şevvâli’l-mükerrem sene 1073.
Şuhûdü’l-hâl: İvaz b. Hasan, Ferhad b. İbrahim, Ahmed b. Ali, Ahmed b. Mustafa, Mehmed b. Mustafa.
|