.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 209
Hüküm no: 181
Orijinal metin no: [15a-6]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Gülistan bt. Abdullah’ın ölen kocasından kalan mirası ve mehr-i müeccel alacağını tahsil ettiği

Kabz-ı mehr ve hisse ve tereke Havâss-ı Aliyye kazâsına tâbi‘ nâhiye-i Silivri mülhakātından Harâccı nâm karyeden olup fevt oldukda terekesinin selâse-i erbâ‘ı cânib-i beytülmâle âid olan Bayram nâm müteveffânın zevce-i metrûkesi Gülistan bt. Abdullah tarafından husûs-ı âti’z-zikre sâbitü’l-vekâle vekîl olan Mustafa b. Ramazan [15b] meclis-i şer‘-i hatîrde tereke-i mezbûreye vâzı‘u’l-yed olan Emin Süleyman Ağa b. Mehmed muvâcehesinde bi’l-vekâle ikrâr ve takrîr-i kelâm edip müvekkilem mezbûrenin iki bin akçe mehr-i müeccel-i müsbeti ve tereke-i merkūmeden yedi yüz elli akçe rub‘ hissesini vekâletim hasebiyle emîn-i mezbûr yedinden tamâmen alıp kabz eyledim. Fîmâ ba‘d tereke-i merkūmeden rub‘ hissemden bir akçe bâkī kalmadı dedikde gıbbe’t-tasdîk mâ vaka‘a bi’t-taleb ketb olundu. Fi’l-yevmi’r-râbi‘ aşer min Şevvâli’l-mükerrem sene 1073.


Şuhûdü’l-hâl: Ali Beşe Çukadar, Halil b. İbrahim, Mustafa b. Receb, Mehmed Çelebi b. Ramazan.