.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 211
Hüküm no: 184
Orijinal metin no: [15b-3]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Mehmed Bey b. Süleyman’ın Receb Bey b. Müstecâb’ın damlalık arsası üzerine diktiği direk taşlarını sökmesi gerektiği

Damlalık Husûs-ı âti’l-beyânı mahallinde istimâ‘ ve tahrîr için kıbel-i şer‘den Mevlânâ Keşfî Mustafa Efendi irsâl olunup ol dahi mahmiye-i İstanbul’da Esirci Kemal mahallesinde vâki‘ zikri âtî damlalık arsasının üzerine varıp zeyl-i rakīmde muharrerü’l-esâmî olan müslimîn huzûrunda akd-i meclis-i şer‘-i şerîf eyledikde yine mahalle-i mezbûrede vâki‘ bir tarafı Solak Ali Çelebi mülkü ve bir tarafı Mehmed Bey b. Süleyman mülkü ve bir tarafı tarîk-i hâs ve bir tarafı tarîk-i âm ile mahdûd menzilin mâliki işbu bâ‘isü’l-kitâb Receb Bey b. Müstecâb meclis-i ma‘kūd-ı mezbûrda, câr-ı mülâsıkı olup arsa-i mezbûrede vaz‘-ı yedi sâbit olan mezbûr Mehmed Bey muvâcehesinde üzerinde da‘vâ ve takrîr-i kelâm edip işbu mezbûr Mehmed Bey’in binâ eylediği menzili köşesinden tûlen mezbûr Solak Ali Çelebi mülküne varınca ve arzen buçuk zirâ‘ arsa menzilimin damlalığı olup menzilimin damlası kadîmde arsa-i mezbûre üzerine cereyân ede gelmiş iken, mezbûr Mehmed Bey arsa-i mezbûre üzerine direk taşları vaz‘ etmişdir, mezbûrdan suâl olunup ol taşları kal‘ ve ref‘ ve damlalık arsasından kasr-ı yedine tenbîh olunmak taleb ederim dedikde gıbbe’s-suâl mezbûr Mehmed Bey cevâbında zikr olunan damlalık arsası benim mülk menzilim arsasından olmak üzre ol direk taşları vaz‘ ettim, müdde‘î-i merkūmun damlalığı arsası olduğu ma‘lûmum değildir deyû inkâr edicek müdde‘î-i mezbûrdan müdde‘âsını mübeyyine beyyine taleb olundukda udûl-i müslimînden olup mahalle-i mezbûra sükkânından Şaban b. el-Hâc Hamza ve Ali b. Seydî Bâli ve Muslu b. Yunus ve Hasan b. Mehmed nâm kimesneler li ecli’ş-şehâde meclis-i ma‘kūd-ı mezbûrda hâzırûn olup istişhâd olundukda fi’l-hakīka işbu Mehmed Bey’in binâ eylediği menzili köşesinden tûlen mezbûr Solak Ali Çelebi mülküne varınca ve arzen buçuk zirâ‘ arsa-i mezbûre müdde‘î-i mezbûrun menzilinin damlalığıdır, menzil-i mezbûrun damlası kadîmden arsa-i mezbûre üzerine cereyân ede geldiğine biz şâhidleriz şehâdet dahi ederiz deyû her biri edâ-i şehâdet-i şer‘iyye eylediklerinde ba‘de’t-ta‘dîl ve’t-tezkiyye [16a]