|
İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 223 Hüküm no: 201 Orijinal metin no: [17a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Yusuf b. Ali’nin bağını Kapıcı Mustafa’ya sattığı
Bağ bey‘i Vilâyet-i Anadolu’da Kula kazâsına tâbi‘ Gayblar nâm karyede Yusuf b. Ali meclis-i şer‘de karındaşı râfi‘atü’l-kitâb Mustafa el-Bevvâb mahzarında ikrâr ve i‘tirâf edip karye-i mezbûrede Palaki ta‘bîr olunur mevzi‘de vâki‘ bir tarafı Hacı Emin ve bir tarafı Ebûbekir Dede ve tarafeyni Şeyhzâde Ali Çelebi mülkleri ile mahdûd bağımı, merkūm Mustafa Bey’e yüz bin akçeye bey‘-i kat‘î ile bey‘ edip ol dahi iştirâ ve kabûl ettikden sonra meblağ-ı mezbûr yüz bin akçeyi karındaşı mezbûr Mustafa Bey’e zimmetimde deynim olan on bin akçe hakkımın dört bin akçesine takās edip ol dahi takās ve kabûl eylediklerinde zikr olunan bağ karındaşım mezbûr Mustafa’nın silk-i mülk-i müşterâsı olup mahallinde zabt ve kabûle taslît eyledi dedikde gıbbe’t-tasdîk mâ vaka‘a bi’t-taleb ketb olundu. Fi’[l-yevmi’]s-sâdis ve’l-ışrîn min Şevvâli’l-mükerrem sene 1073.
Şuhûdü’l-hâl: Berber Hasan Çelebi b. ( ), Dülger Mehmedoğlu Mustafa, Ali b. ( ) el-Hayyât, Osman b. Ali, Baba Resûl [b.] Rıdvan, Hasan ed-debbâğ.
|