|
İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 223 Hüküm no: 202 Orijinal metin no: [17b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Osman Ağa b. Mehmed’in Mustafa Efendi b. İbrahim’de alacağı olmadığı
Hüccet-i semen Mahmiye-i İstanbul’da Sultan Selim mahallesinde sâkin Osman Ağa b. Mehmed nâm kimesne meclis-i şer‘-i hatîrde bâ‘isü’l-kitâb Mustafa Efendi b. İbrahim mahzarında üzerine da‘vâ ve takrîr-i kelâm edip târih-i kitâbdan bir sene mukaddem mezbûr Mustafa Efendi’ye kırk esedî guruş [ikrâz] ve teslîm ol dahi iktirâz ve kabz etmiş idi hâlâ taleb ederim suâl olunsun dedikde gıbbe’s-suâl ve’l-inkâr müdde‘î-i merkūmdan müdde‘âsını mübeyyine beyyine taleb olundukda ityân-ı beyyineden izhâr-ı acz edip istihlâf etmeğin fi’l-vâki‘ târih-i mezbûrda merkūm Osman Ağa’dan kırk esedî guruş iktirâz ve kabz etmediğine merkūm Mustafa Efendi’ye yemîn teklîf olundukda ol dahi alâ vefki’l-mes’ûl yemîn billâhi te‘âlâ etmeğin mûcebince alâniyeten mu‘ârazadan men‘ birle mâ vaka‘a bi’t-taleb ketb olundu. Fi’l-yevmi’l-hâmis ve’l-ışrîn min Şevvâli’l-mükerrem li sene selâse ve seb‘în ve elf.
Şuhûdü’l-hâl: Ahmed Çelebi b. Mahmud kethüdâ-yı muhzırân, Şükrullah b. Mustafa, Muharrem b. Abdullah, Resûl b. Rıdvan, Mehmed b. Ramazan, Hüseyin b. Ebûbekir.
|